monumenta.ch > Hieronymus > bnf10439.14 r > sectio 12 > sectio 25 > sectio 25 > 5 > sectio 5 > uwbM.p.th.f.68.210 > uwbM.p.th.q.1a.172 > sectio 1 > sectio 10 > csg48.261 > bnf17226.138 > sectio 10 > sectio 3 > sectio 42 > sectio 6 > bnf10439.11 r > sectio 2 > sectio 3 > sectio 33 > bnfGrec107.963 > sectio 24 > sectio 13 > sectio 16 > sectio 23 > ad Philippenses, 1 > sectio 4 > sectio 1 > Ioannes, 8 > sectio 28 > sectio > sectio 9 > sectio 11 > sectio 21 > csg458.98 > sectio 13 > bnf11947.199 v > ad Colossenses, 3 > sectio 8 > sectio 7 > sectio 19 > sectio 32 > sectio 2 > csg75.485 > sectio 34 > csg48.375 > sectio 5 > sectio 5 > Paralipomenon I, 11 > sectio 4 > sectio 21 > sectio 7 > uwbM.p.th.f.68.68 > sectio 22 > bsbClm6224.48 > bnf10439.15 r > Ezechiel, 32 > sectio 26 > sectio 1 > uwbM.p.th.f.68.187 > sectio 59 > sectio 25 > sectio 13 > sectio 22 > sectio 21 > bnf2389.98 > sectio 12 > sectio 1 > sectio 18 > csg75.55 > csg458.133 > bsbClm6224.276 > bnfGrec107.373 > sectio 1 > sectio 56 > bsbClm6343.28 > sectio 9 > sectio 23 > bsbClm6224.278 > bnf17226.113 > sectio 20 > sectio 16 > sectio 4

Word Selection for Searching

Report an Error in this Sectio
Gregorius Magnus, Homiliae in Evangelia, 2, 32, 4
Sequitur: Qui enim voluerit animam suam salvam facere, perdet eam; et qui perdiderit animam suam propter me, salvam eam faciet. Sic dicitur fideli: Qui voluerit animam suam salvam facere, perdet eam; et qui perdiderit animam suam propter me, salvam eam faciet. Ac si agricolae dicatur: Frumentum si servas, perdis; si seminas, renovas. Quis enim nesciat quod frumentum cum in semine mittitur, perit ab oculis, in terra deficit? Sed unde putrescit in pulvere, inde virescit in renovatione. Quia vero sancta Ecclesia aliud tempus habet persecutionis, atque aliud pacis; Redemptor noster ipsa eius tempora distinguit in praeceptis. Nam persecutionis tempore ponenda est anima, pacis autem tempore ea quae amplius dominari possunt frangenda sunt desideria terrena. Unde et nunc dicitur: Quid enim prodest homini, si lucretur totum mundum, se autem perdat, et detrimentum sui faciat? Cum persecutio ab adversariis deest, valde vigilantius cor custodiendum est. Nam pacis tempore quia licet vivere, libet etiam ambire. Quae profecto avaritia bene compescitur, si ipse status ambientis sollicite consideretur. Nam cur instet ad colligendum, quando stare non potest ipse qui colligit? Cursum ergo suum quisque consideret, et agnoscet sibi posse sufficere parva quae habet. Sed fortasse metuit ne in huius vitae itinere sumptus desit. Longa nostra desideria increpat via brevis, incassum multa portantur cum iuxta est quod pergitur. Plerumque autem et avaritiam vincimus, sed adhuc obstat quod vias rectitudinis minori tenemus custodia perfectionis. Nam saepe labentia cuncta despicimus, sed tamen adhuc humanae verecundiae usu praepedimur, ut rectitudinem quam servamus in mente nondum exprimere valeamus in voce; et tanto Dei faciem ad iustitiae defensionem negligimus, quanto humanas facies contra iustitiam veremur. Sed huic quoque vulneri congruum subiungitur medicamentum cum Dominus dicit: Qui me erubuerit et meos sermones, hunc Filius hominis erubescet cum venerit in maiestate sua, et Patris, et sanctorum angelorum.